بودكاست أثَر

أصعب حاجة أصعب حاجة ‏أصعب حاجة إنك تعيش من غير ما تعرف ليه عايش. ‏سؤال بسيط لكن وراه ألف وجع. ‏انت كشاب في الزمن دا، أصعب حاجه ليك شنو؟ ‏هل وجع الفقد؟ ‏ولا حلم كبير اتكسر قدامك؟ ‏ولا إحساسك إنك كل يوم بتقاتل عشان تعيش؟ ‏ولا إنك عايش وسط حرب ما فاهم سببها، لكنك مجبر تدفع تمنها؟ ‏أصعب حاجه ليك شنو؟ إنك تكون راجل البيت وإنت نفسك محتاج سند؟ ‏ولا إنك تحاول تبقى زول كويس في زمن بقت الطيب فيه مستهدف؟ ‏الحياة دي بقت ضغط مستمر، ‏تحاول تضحك عشان ما يبان عليك التعب، ‏لكن جوّاك ألف وجع ساكت ما بتقدر تحكيهو. ‏أصعب حاجة؟ ‏يمكن إنك ما عارف بكره في شنو، ‏ولا وين مصيرك، ‏ولا كيف تطلع من الكابوس الكبير الاسمو (الواقع) . ‏اكتب لينا في تعليق، أصعب حاجة بتمر بيها هسي شنو؟ ‏ما شرط تحكي كتير، بس قول: ‏"أنا تعبان والوجع ساكني" الكاتب: حسين محمد السبت، 28 يونيو 2025 منصة أثر - منصتك وصوتك ورأيك ...

الثقافة في السودان: غياب الدعم وصناعة الأمل من رحم الوعي الشعبي تخيّل معاي... لو في مسرح في حيّك بيقدم منتديات أسبوعية، أو مكتبة قريبة منك فاتحة أبوابها للأطفال والشباب، وكل أسبوع بنظموا مناقشة كتاب، ونادي ثقافي بيعمل منتديات نقاش وورش فنية. لكن فوق ده كلو، لو المنتديات دي ما لاقت دعم، هل ح تستمر؟ طبعًا لا. الثقافة ليست رفاهية، بل روح وهوية في السودان، لما نقول "ثقافة" ما بنتكلم عن رفاهية. بنتكلم عن روح الشعوب ، عن ذاكرة المدن ، وعن المراية البتعكس وعينا وهويتنا. لكن هل نحن قدرنا نبني وعي حقيقي بالنشاطات الثقافية دي؟ للأسف، لا. والسبب الكبير هو غياب الدعم المؤسسي الحقيقي ، البينظم، والبيرعى، وبيقيف سند للفعل الثقافي. طاقات مهدورة وحواضن غائبة في كتير من الشباب عندهم طاقات وإبداعات في الشعر، الرسم، المسرح، والموسيقى، لكن ما لاقين حواضن تساعدهم عشان يطوروا مجالاتهم. ولا منصات يعبروا فيها عن شغفهم. المراكز الثقافية بقت شبه مهجورة، أو شغالة بمجهودات فردية، و معظمها بدون تمويل ، ولا حتى بيلاقي اعتراف من المؤسسات الرسمية. غياب الميزانية والاستراتيجية ما في ميزانية واضحة...