بودكاست أثَر

  يا زول، هل فكّرت يوم إنو كل كلمة بتقولها وكل عاداتك اليومية هي مراية لهويتك؟ طيب، كده فكر كمان منو أكتر زول بيحافظ على الحاجات دي؟ الإجابة واضحة طبعا : هي 💚*المرأة* 💚    خلونا نرجع خطوة ونسأل نفسنا سؤال: ليه كل ما نتكلم عن التقاليد والعادات بنلقى دور المرأة حاضر؟ المرة السودانية، سواء كانت أم، أخت، أو جدة، هي العمود الفقري للثقافة. من زمن أجدادنا ليوم الليلة، كانت هي اللي بتحافظ على التراث وتنقله للأجيال الجاية.    🔥تعالوا نضرب ليكم مثال بسيط، قعدة الجبنة، عارفينها؟ القعدة دي أكتر من شرب جبنة ساي. دي منصة للقصص، للحكمة، ولتعليم الصغار عاداتنا وقيمنا. والمرأة هي الدايمة مسؤولة من تنظيمها. هي بتجيب الحطب، تحمّص البن، وبصبر شديد تقعد تعلم الصغار كيف يحترموا الأكبر منهم وكيف يتعاملوا مع الضيوف.وحتى قعدة الصباح عند شراب الشاي كذلك  ومثال تاني؟ في الأعياد والأفراح، المرأة هي اللي بتجمع الاسرة وتربط القرايب. بتجهز العيش، الكعك، والخبيز، والحلويات و"بتدق الطار" في المناسبات عشان تخلق أجواء حقيقية تعكس هويتنا. من غيرها، الحاجات دي كانت ح تختفي بمرور الزمن.لو هي...