"عقلك هو أغلى ثروة: كيف تستثمر فيه وتبني حياتك؟"
الناس بتحلم تبقى غنية لكن كم زول فينا فكّر إنو أغلى حاجة عندو ما في البنك، بل جوّاتو
.png)
في زمن السرعة والمظاهر بقينا نفتّش عن القروش و العربات، والبيوت الكبيرة، لكن نسينا إنو في نعمة فوق دي كله نعمة لو عرفنا نستغلها ممكن تغيّر حياتنا وتخلينا نعيش عيشة راقية حتى ولو ما كان عندنا ولا جنيه.
عقلك هو رأسمالك الحقيقي، هو المصنع البنتج أفكارك والمحرّك البحدد قراراتك.
اي زول ما بعرف يستثمر في عقله زي الزول الزارع أرض خصبة وما سقاها، ولا نضّفها، ولا حرسها.
الفرق بين الشاب العادي والشاب الملهم هو طريقة تفكيرو فقط
– واحد بشوف المشكلة وبيقيف
– والتاني بشوف نفس المشكلة وبيقول: "كيف أحلّها؟ وكيف أطلع منها بحاجة تفيدني وتفيد الناس؟"
عقلك لما تطوّرو بالقراءة والتعلم والتجارب والاسئلة بيبقى مصدر قوة ما بتتسرق، لانو العالم اتغير على يد ناس استثمرت في عقولها، ما في حساباتها البنكية.
قول لينا، شنو الحاجة العملتها عشان تطوّر تفكيرك؟
وشنو الكتاب/الشخص/التجربة الكانت نقطة تحوّل ليك؟
يا زول، القروش ممكن تمش والوظيفة بردو ممكن تنتهي، وحتى الناس ممكن تتغيّر، لكن عقلك لو بنيتو صاح ح يفضل يكون سندك وين ما مشيت.
استثمر في عقلك، لأنو دي فعلاً أغلى ثروة بتمتلكها.
🖋️مبارك محمد احمد
منصة اثر منصتك وصوتك ورأيك
#في_فضاءات_المعرفة_نجسد_الأمل
#بعضنا_نحو_الثراء_المعرفي
#أثر_صوت_الأمل 💚
#أثر_Athar
السبت، 21 مايو 2025
تابعنا علي منصاتننا في مواقع التواصل الاجتماعي
.png)
تعليقات
إرسال تعليق