ليه نحن مفصولين إعلامياً من العالم؟ وليه ما قادرين نكسر الحاجز ده؟

 

لي نحن مفصولين اعلاميا من العالم ؟ وليه ما قادرين نكسر الحاجز ده؟

السلام عليكم يا ناسنا الطيبين، كيفينكم؟  

تعالوا نقعد قعدة سمحة كده ونتونس في موضوع مهم شديد: **زي العنوان المكتوبة فوق ؟ وليه بنحس إنو الدنيا ماشّة ونحنا واقفين في محلنا؟**  

أها، خلونا نبدأ ونقول:  

"الناس في شنو وإحنا في شنو؟"  

دي جملة كتيرة بنسمعها في ونستنا، وبتختصر شعورنا بالبعد عن العالم. لكن يا جماعة، الموضوع ده عنده أسباب كتيرة، وكتير منها جاي مننا نحنا بس نحن م مركزين .خلوني افسرها ليكم واحد واحد 

⭕ أولاً: الإعلام الباهت  

يا جماعة، زمان كان بقولوا: "الماعندو إعلام، كأنو ما عندو لسان."  

نحنا صوتنا ضعيف في الإعلام، ما عندنا منصات بتظهر ثقافتنا، وعاداتنا، ولا مشاكلنا. وبصراحة، كيف العالم حايعرفنا إذا نحنا ذاتنا ما قعدين نسمّع صوتنا؟

⭕ ثانياً: التكنولوجيا ما مُستغلة  

بصراحة، الإنترنت فتح لناس أبواب كانت مقفلة. لكن نحنا م قعدين نستغلها صح ؟ بدل ما نصوّر فيديوهات عن ثقافتنا وفنوننا وننشرها، بنقعد نصرف وقتنا في حاجات ما بتفيدنا.فانتو عارفين "الزمن زِي السيف، إن ما قطعتو، قطعك."  

⭕ ثالثاً: قلة الترويج لثقافتنا  

عندنا أغاني، أشعار، عادات، وتقاليد، لكن لي ما بنشوفها طالع برا. ليه؟ لأننا ما بنستثمر في ثقافتنا. كان أجدادنا زمان بيقولوا: "الماعندو قديم، ما عندو جديد." نحنا لازم نرجع لثقافتنا ونعرف قيمتها.عشان نكون مساهمين في العالم بجميع ثقافاتنا. 

⭕رابعاً: العزلة الجغرافية  

في مناطق زي زالنجي وغيرها، الظروف ما بتساعد. الطرق ضعيفة، والبنية التحتية تعبانة. لكن خلوني أقول ليكم: "الكتاحة بتقوم من حبة رمل." يعني لو في شباب ملتزمين وبيعملوا حاجات صغيرة، التغيير حيبدأ. فمافي حاجه مستحيله 

⭕خامساً: اعتمادنا على الدولة  

زمان قالوا: "كتفك سندك." ما تقعد تنتظر الدولة تعمل ليك كل حاجة. فنحن لو كل زول فينا بدأ بمبادرة بسيطة، الفرق حيظهر.  

اها طيب الحل شنو؟  

- أول حاجة، خلونا نستفيد من الإنترنت ونبدأ ننشر كل شي عن ثقافتنا: سوى كان فيديوهات، صور، او حتى بودكاست زي حقتنا ده. ونبدأ نركز علي 

- نركز على إنشاء قنوات شبابية تبرز مواهبنا وفنوننا.  

- نحكي قصص نجاحنا ونرفع من معنويات بعضنا.  

- والأهم، نبدأ نشتغل مع بعض، يد واحدة. لأنو "اليد الواحدة ما بتصفق."  

يا اهلنا **العالم ما حيجي يلقانا، نحنا الدايرين نمشي نلقاه.** خلونا نكون التغيير ونفتح باب جديد لعالم يشوفنا ويعرف قيمتنا.  

**ها، إنتو رأيكم شنو؟ شاركوني في التعليقات أو رسلوا لينا أفكاركم وخلونا نغير الواقع مع بعض.**

"الكاتب: مبارك محمد 

**منصة *أثر* منصتكم، وصوتكم، ورايكم!**  

الواتساب: ‪+218 91-2340460‬

ايدي التليجرام: @podcastathar

منصة اثر منصتك وصوتك ورأيك 💚

#في_فضاعات_المعرفة_نجسد_الأمل

#بعضنا_نحو_الثراء_المعرفي

#أثر_صوت_الأمل 💚

#أثر_Athar 

25يناير، 2025