"دور الإعلام السوداني في تشكيل الوعي: من الحكاوي إلى ثورة السوشيال ميديا"

 - الإعلام زمان

- الإعلام الآن

- تأثير الإعلام في الثورات

دور الإعلام في تشكيل الوعي العام

الإعلام ده زي البحر، مرات بيجيك هادئ ومرات هائج، لكن لو عرفنا نستغله صاح، بنقدر نبحر بيهو لمرافئ الوعي والتنمية. في السودان، الإعلام ما بس تلفزيون وراديو، ده من زمن بعيد كان حكاوي اللمااات، والتيم في الجلسات، والأغاني في المناسبات يعني باختصار، الإعلام عندنا هو الروح القاعدة تحرك المجتمع

#الإعلام_زمان_والحاضر

تعال نتونس شوية عن الإعلام زمان ياخي زمان، ناسنا كانوا قاعدين في الظل، يتونسوا بالأخبار والحكاوي. كانت الحكاية بسيطة، لكن عندها تأثير كبير. اليوم، الدنيا اتغيرت، دخلت القنوات الفضائية، ومواقع التواصل. الزول بقى يرسل خبر ويستلم مية، والأفكار بقت تتغير في ثواني

لكن السؤال: هل الإعلام ده بيساعدنا ولا بيضرنا؟

خلال ثورة ديسمبر، الإعلام كان زي الوقود، خاصة السوشيال ميديا. الصور، الفيديوهات، الهتافات، كلها نشرت الوعي مش بس في السودان، حتى العالم كله عرف نحن دايرين شنو. شفت كيف الإعلام الشعبي غيّر معادلة؟

#إذاعات_المدن_الصغيرة_والريف

في مدن وقرى كتيرة بالسودان، الإذاعات المحلية كانت بتوعي الناس زي مثلاً البرامج البتتكلم عن الزراعة الحديثة، واللي ساعدت ناس كتار يطوروا شغلهم. دي حاجات صغيرة لكن تأثيرها كبير.

#المبادرات_الشبابية_في_الإعلام

ياخي في شباب سودانيين شغالين شغل سمح شديد في نشر الوعي. زي مثلاً المبادرات البتظهر في التلفزيونات أو على الإنترنت. قصص نجاحهم بتدي الناس أمل ودافع.

#كلام_مهم_للإعلاميين_وصناع_المحتوى

الرسالة أمانة ي جميل، الكلمة المكتوبة أو المسموعة ممكن تبني أمة أو تهدمها

بلاش الإثارة الفارغة: السودانيين شعب بسيط وصادق، ما تحاول تكبر المواضيع بدون داعي

خاطب الوجدان قبل العقول : الناس بتحب الكلام الموزون والمعقول استخدم الأمثال والحكم المحلية عشان تكون قريب من قلوبهم.

التنوع ده قوة : السودان غني بثقافاته، خلي الإعلام يعكس دا كلو عشان يوحد الناس بالجد كده الناس عايزة إعلام يتكلم ليهم بلغة يفهموها، بعيد عن التعقيد 

المحتوى الجاد مرغوب جداً، خلي رسالتك تفيد الزول العادي، وتغير من حياته

لا تنسى الحكمة، زي ما بيقولوا: الماعندو كبير يشتري ليهو كبير. الإعلام ممكن يكون الكبير الدايروا الشباب عشان يمشوا في الطريق الصح.

#الشائعات_مدمرة ، ما تنشرو إلا الحقائق.

نصيحة بسيطة من القلب ي رائعين

الإعلام في السودان هو المراية البتعكس حالنا وطموحاتنا. عشان كده لازم يكون إعلام واعي، متزن، ويمثل كل السودان، من أقصى شرقوو لحد غربوو لو استخدمنا الإعلام بحكمة، بنقدر نبني وطن أحلامنا

والدنيا دي زي ما بقولوا ناسنا: "الزول الراسي معروف من كلامو خليك إعلامي راسي، ورسالتك توصل بقوة!

* علاء الدين إبراهيم محمد

منصة اثر منصتك وصوتك ورأيك 💚

#في_فضاعات_المعرفة_نجسد_الأمل

#بعضنا_نحو_الثراء_المعرفي

#أثر_صوت_الأمل 💚

#أثر_Athar 

14ديسمبر، 2024